Meini prawf sgorio

CYMHWYSTER

Sylwer y bydd angen i gais ddangos 'Oes/Do/Ydi' ar gyfer pob maen prawf a restrir isod.

Meini prawf cymhwyster	Oes / Do / Ydi	Na
A oes o leiaf 5 busnes ffermio/tyfu yn gysylltiedig?	☐	☐
A yw pob aelod sydd am fod yn rhan o’r prosiect wedi ail gofrestru gyda Cyswllt Ffermio?	☐	☐
A yw'r holl gostau a ddangosir yng nghynnig y prosiect yn gymwys i'w hystyried fel rhan o'r meini prawf ariannu?	☐	☐
A oes gan y prosiect hwn amserlen realistig ar gyfer cwblhau?	☐	☐
A yw'r prosiect yn cyd-fynd ag o leiaf un weithred gyffredinol y cynllun ffermio cynaliadwy ac o leiaf un amcan y Cynllun Ffermio Cynaliadwy?	☐	☐
Yn seiliedig ar yr uchod, a yw'r prosiect hwn yn gymwys fel prosiect Grŵp Trafod?	☐	☐

Bydd pob cais cymwys yn cael ei sgorio gan banel asesu (sy’n cynnwys aelodau o dîm Cyswllt Ffermio a staff allanol) a bydd angen i geisiadau ar gyfer prosiectau llwyddiannus ddangos y canlynol:

Yr angen am y gweithgaredd

Gallu i gyflawni

Gwerth am arian

Gallu i ychwanegu gwerth at gyflawniad y grŵp trafod

Bydd pob gofyniad yn cael ei bwysoli ar 25%.

Bydd y wybodaeth a ddarperir yn sail i'r meini prawf dethol a bydd yn cael ei ddefnyddio ar gyfer proses asesu a gwerthuso y gellir ei defnyddio i wneud penderfyniad ynghylch dyfarnu cyllid i'r cais. Wrth asesu ceisiadau, bydd Cyswllt Ffermio yn ceisio sicrhau dosbarthiad teg o brosiectau, sectorau a phynciau ledled Cymru.

Bydd y wybodaeth a ddarperir yn cael ei hasesu yn erbyn y meini prawf graddio canlynol;

Uchel (80-100%)

Mae'r cais yn darparu tystiolaeth gadarn, fanwl a chlir mewn ymateb i'r holl ofynion

Canolig (60-80%)

Mae'r cais yn darparu ymatebion boddhaol a manwl yn erbyn y rhan fwyaf o'r gofynion

Isel (40-60%)

Mae'r cais yn darparu ymatebion anghyflawn neu annigonol posibl yn erbyn un neu fwy o'r gofynion

Isaf posibl (>40%)

Mae'r cais yn darparu ymatebion anghyflawn neu annigonol yn erbyn un neu fwy o'r gofynion

Y trothwy ansawdd ar gyfer cais yw sgôr cyffredinol Canolig ar gyfer yr adrannau isod:

Gofyniad	Asesir adrannau yn erbyn pob gofyniad
Yr angen am y gweithgaredd	Trosolwg o'r prosiect - alinio strategol Gallu'r prosiect i gyfrannu at heriau'r dyfodol Gallu'r prosiect i fynd i'r afael â phroblemau neu gyfleoedd lleol Gallu'r prosiect i ddarparu gwybodaeth newydd Lefel yr ystyriaeth amgylcheddol, proffidioldeb busnes ac effeithlonrwydd cynhyrchu a ddangosir yng nghynnig y prosiect
Gallu i gyflawni	Cyflawni a rheoli’r prosiect Lefel y meddwl a'r cynllunio a ddangosir ym methodoleg a rheolaeth y prosiect A yw'r prosiect yn cynnig cyfle gwirioneddol sydd o fudd ehangach i'r diwydiant amaeth / tyfu yng Nghymru? A fydd y prosiect hwn o fudd i ffermwyr/tyfwyr ar lefel ymarferol y tu allan i’r grŵp yng Nghymru?
Gwerth am arian	Mae'r holl gostau a ddangosir yn y cais yn realistig ac yn deg Bydd yr holl gostau a ddangosir yn arwain at werth da am arian
Gallu ychwanegu gwerth	Gallu ychwanegu gwerth i’r grwpiau trafod A yw'r prosiect yn cynnig cyfle i’r aelodau ganolbwyntio ar agwedd ymarferol sy’n cyd-fynd â manyleb y grŵp trafod? Lefel y meddwl a'r cynllunio a ddangosir i ddatblygu'r prosiect i sicrhau ei fod yn ychwanegu gwerth i gyflawniad y grŵp a'i bwrpas

Bydd y ceisiadau sy'n cyflawni sgôr cyffredinol Canolig ar gyfer yr adrannau uchod yn cael eu rhestru yn nhrefn eu sgôr canrannol ar gyfer yr adrannau uchod a bydd yr arian sydd ar gael yn cael ei ddyfarnu i'r 18 cais sy'n sgorio uchaf. Noder, mae gan Cyswllt Ffermio'r hawl i beidio â dyfarnu cyfanswm y prosiectau yn y cyfnod ymgeisio hwn ac mae'n bosibl y bydd cyfnod ymgeisio arall yn y dyfodol.

Meini prawf sgorio

Dilynwch Cyswllt Ffermio

I gael cymorth neu gyngor busnes ffoniwch